2022թ․ ապրիլի 13-14-ը, Holiday Inn Yerevan-ում տեղի ունեցավ երկօրյա դասընթաց 27 շահառուների մասնակցությամբ՝ «Արտահանման շուկայավարման պլանավորում» թեմայով, ԱՄՆ ՄԶԳ ֆինանսավորմամբ իրականացվող «Գյուղական տնտեսական զարգացում – նոր տնտեսական հնարավորություններ» ծրագրի շրջանակում:

Միջազգային փորձագետ Սաշո Ռիստեսկին ներկայացրեց թեմաներ՝ մարքեթինգի, բրենդինգի, արտադրանքի դիրքավորման, գովազդային ռազմավարությունների, պլանավորման և արտահանման հետ կապված հարցերի վերաբերյալ:
Դասընթացը հագեցած էր ոչ միայն տեսական այլ նաև գործնական մասերով, այսպիսով մասնակիցները հնարավորություն ստացան գործնականում կիրառելու ձեռք բերված գիտելիքները։ Դասընթացն ավարտվեց քննարկմամբ՝ հարց ու պատասխանի տեսքով։

1 of 13

ԱՄՆ ՄԶԳ ֆինանսավորմամբ իրականացվող «Գյուղական տնտեսական զարգացում – նոր տնտեսական հնարավորություններ» ծրագրի շրջանակում մարտի 31-ից ապրիլի 2-ը տեղի ունեցավ փորձի փոխանակման այց բարձրարժեք մշակաբույսերի և ջերմոցային տնտեսությունների վերաբերյալ։

Շիրակի մարզի Մեծ Սարիար, Մայիսյան, Ախուրյան, Հայկավան, Լոռու մարզի Կուրթան, Վարդաբլուր, Սպիտակ, Ջրաշեն, Գեղարքունիքի մարզի Ծավազարդ համայնքներից 17 կանանց հնարավորություն ընձեռվեց իրենց փորձով կիսվելու և ոլորտում կիրառվող նորարար մոտեցումների հետ ծանոթանալու:

1 of 10

Նորարարական, թվային տեխնոլոգիաների կիրառությունը գյուղատնտեսության արդիականացման ոլորտում միանշանա՛կ կարևորվում է ամբողջ աշխարհում, քանի որ այն տալիս է գիտելիքների և ստուգված փորձի այնպիսի համադրում, որը բացի մեծ առաջընթացից հնարավորություն է ընձեռում զարգացնելու և օգտագործելու չուսումնասիրված և ոչ ավանդական արդյունավետ մեթոդներ:
2022 թվականի մարտի 2-ին, Կոտայքի մարզում գտնվող «Ագրոճամբար» ուսումնական կենտրոնում, տեղի ունեցավ «Գյուղատնտեսական նորարական լուծումներ»՝ բիզնեսը բիզնեսին աշխատաժողովը, որը կազմակերպվել էր ԱՄՆ Միջազգային զարգացման գրասենյակի «Գյուղական տնտեսական զարգացում նոր տնտեսական հնարավորություններ (RED-NEO)» ծրագրի շրջանակում՝ Ագրոբիզնեսի և գյուղի զարգացման կենտրոն (CARD) հիմնադրամի ջանքերով:
Միջոցառումը նպատակ ուներ Հայաստանի միջին և խոշոր այգետերերին, ջերմատնային տնտեսությամբ զբաղվողներին ներկայացնել Հայաստանում գործող նորարարական ծառայություններ և պրոդուկտներ առաջարկող ընկերությունների, որոնք առաջարկում են, օրինակ՝ գյուղատնտեսության բնագավառում արևային էներգիայի օգտագործման, հողի պարամետրերի խելացի չափիչ համակարգերի, ջերմատնային տնտեսություններում թվային տեխնոլոգիաների կիրառության, ջրային և հողային ռեսուրսների տեխնոլոգիական կառավարման, ավտոմատ ոռոգման համակարգերի, կենսաքայքայվող ջրակլանիչ նյութերի օգտագործման ուսումնասիրված և արդյունավետ հնարավորություններ:
Թեմաներին առնչվող զեկուցումներով և առաջարկներով հանդես եկան՝ Հայաստանի Ազգային ագրարային համալսարանի Ագրոթեք ինկուբատորի ստարտափ մրցույթների հաղթողներ, ինչպես նաև՝ ՇՏԻԳԵՆ, ԳՐԻՆ ԳՐԱՈՒՆԴ, ՆՅՈՒԴԱՐՄ ԹԵՔ, ԷԿՈԹԵՔՆՈԼՈԳ և ՌԵՎԱԼԿՈՆ ընկերությունները:

1 of 20