ԱՄՆ Միջազգային զարգացման գործակալության կողմից ֆինանսավորվող Գյուղական տնտեսական զարգացում-նոր տնտեսական հնարավորություններ ծրագրի «Հայաստանում գյուղական ձեռնարկատիրության առաջատար կանայք» բաղադրիչի շրջանակում, ի թիվս բազմաթիվ այլ դասընթացների, մարտի 2-ին Սևան համայնքի գողտրիկ անկյունում՝ Բոհեմ արվեստանոց-թեյարանում, մեկնարկել է նաև «Ագրոտուրիզմը և հյուրընկալությունը որպես համայնքային զարգացման մոդել» դասընթացը։
Այն վարում է մեր հարգարժան գործընկեր և ոլորտի մասնագետ Արամ Հարությունյանը, ով ներկայացնում է նաև «ՀՈՎԵԿ» զբոսաշրջային գրասենյակը։
Դասընթացի նպատակն է համայնքային ագրոտուրիզմով զբաղվողներին ներգրավել միասնական ցանցի մեջ, զինել համապատասխան գիտելիքներով, խթանել համագործակցությունը։